Categories

Aeroplanes

Aeroplanes

Wednesday, 31 December 2008

नविन वर्षाच्या शुभेच्छा...

" येवो समृध्दी अंगणी, वाढो आनंद जीवनी
तुम्हांसाठी या शुभेच्छा, नववर्षाच्या या शुभ-दिनी !
"


...भुंगा!

Tuesday, 16 December 2008

भटकंती: कोराईगड [कोरीगड]


गेल्या शनिवारी कोराईगड [कोरीगड] गेलो होतो.. प्लान तसा ट्रेकिंगचा होता.... भैरवगड अथवा गोरखगड फायनल होता होता.. लोणावळ्याजवळचा कोराईगड फिक्स झाला..... तसा हा गड ट्रेकिंगसाठी नाहीच मुळी... अर्थात तुम्ही जर पाय-यावरुन मस्त चालत जाणार असाल तर... नाहीतर पाठीमागच्या बाजुने ट्रेकिंग करण्यासारखा एक रस्ता आहे [कदाचित अंबावणे गावातुन असावा] .. गडावर दोन मोठाली म्हणता येतील अशी तळी आहेत.. एक शिव मंदिर, एक हनुमान - गणेश मंदिर आणि मुख्य 'कोराई देवी' चे मंदिर... शिव आणि हनुमान मंदिरे चांगल्या स्थितित आहेत मात्र कोराई देवीचे मंदिर ओसाड पडले आहे... वरील छप्पर कधीच उडुन गेले आहे.. देवीची सुंदर मुर्ती ऊन - पावसात उभी आहे.... समोर एक दिपमाळ आणि भग्नावस्थेत एक-दोन मुर्त्या.... त्या दिपमाळेवर फडकणारा भगवा वा-यामुळे काठीभोवती अडकुन बसला होता.... व्यवस्थित मोकळा करुन पुन्हा उभा केला.... तोही अभिमानाने फडकण्यास सज्ज..!

.... कोराई देवी कधी काळी अलंकारानी भरलेली असायाची.... इंग्रजांच्या लढाईनंतरच्या काळात या देवीचे सारे दाग-दागिने लुटुन नेण्यात आले ... आजच्या घडीला हे दागिने मुंबईच्या 'मुंबादेवी' च्या अंगावर आहेत - प्र. के. घाणेकर - साद सह्याद्रिची


गडा वरील सारा परिसर एक- दीड तासात फिरुन होतो... डाव्या बाजु / बुरुजावरुन 'ऍम्बे वॅली' चा एरीयल व्ह्युव्ह मस्त दिसतो..! रात्री पांढ-या हॅलोजनच्या प्रकाशात गडाचे दर्शन काही औरच असते...!

खाली उतरुन मस्त जेवण केले आणि परतीच्या वाटेवर - पवना धरणाकडे आगेकुच सुरु केली... धरणाच्या ठीकाणी एस. एन. डी. टी. च्या महिला आल्या असल्यामुळे त्यांचे डुंबुन आणि बोटींग होईपर्यत आम्हीही थोडे फ्रेश होण्यासाठी थोडे पलिकडे असलेला किनारी गेलो... एखादी डुबकी मारण्याची ईच्छा झाली आणि पाण्यात उतरलोही.. बाहेर पाह्तो तो एक पाणसाप आमच्या कडे जसे रागाने पहातच होता... त्याच्यापाठीमागे दुसरा... त्यांचा पुरी फॅमिली यायच्या आत पटापट कपडे घालुन बोटिंग करायला पळालो... बोटिंग केले... मस्त चहा पिलो आणि परतीच्या वाटेला लागलो...

तुम्ही जर पवना धरणाला जाणार असाल तर - पाण्यात उतरु नका अथवा पाणसापांपासुन सावधानगी बाळगा...


बाकी, नेहमी प्रमाणे काही फोटो येथे आहेतच..!


भुंगा...




...भुंगा!

Monday, 8 December 2008

गेले ते दिवस... राहिल्या त्या उचापती ....

.... हा .... तर सांगायचा मुद्दा हा की, राणे सायब सद्ध्या लयच भावात आहेत.. त्यांना म्हणे "बरेच काही" आधीपासुनच माहित होते.... आणि लवकरच ते "ते गुपित" उघडे करणार आहेत.. बरीच एलेक्शनं पाहिली.. बंडखो-या पाहिल्या... पर ह्यांची बंडखोरी ...! स्वतःला "मिडियावाले" संबोधणारे हे साहेब, शेवटची अक्षता पडेपर्यंत नवरीच्या मामासारखे गप्प होते... खुर्ची मिळाली नाही आणि त्यांचातला खरा "मामा" जागा झाला की काय? आरं सायबा... चालु परिस्थितीचा तरी अंदाज असु दे ...!

'चार दिवस थांबा, काय करणार ते सांगतो!'- राणे
नेत्यांचाच दहशतवाद्यांना आसरा
राणेंची 'दादा'गिरी.. म्हणे, 'ताकद दाखवायला लावू नका!'

... बरं ठीक आहे.. आम्हीही तुमच्याच प्रहार/राची वाट बघतोय.... बघु तुम्ही काय मैदान मारताय ते..!


...भुंगा!

Tuesday, 2 December 2008

म्हणे त्यांनी "नैतिक" जबाबदारी स्विकारली....

..... नैतिक जबाबदारी स्विकारुन आणि राजीनामे देऊन मुळ प्रश्न सुटला असे होत नाही...एका पदाचा राजीनामा देऊन उद्या तुम्ही दुस-या पदाचा स्विकार कराल...त्या खात्याचा - मंडळाचा पुन्हा बो-या वाजवायला तयार... पुन्हा नैतिक जबाबदारी आणि पुन्हा एका राजिनाम्याचे नाटक....पुन्हा येरे माझ्या मागल्या ..!

खरंच तुमचा - मंत्र्यांचा - अंतरात्मा जागला असेल तर जबाबदारी पुर्णपणे स्विकारा आणि आपल्या राजकिय कारकिर्दीचा राजीनाम द्या, कसं..?

...भुंगा!

Monday, 1 December 2008

दहशतवादाच्या निषेधार्थ सोमवारी 'ब्लॅक डे'!



भ्याड दहशतवादी हल्ल्याचा निषेध आणि मृतांना श्रद्धांजली वाहण्यासाठी आज पाळूया..!
- मटा

Thursday, 27 November 2008

भावपूर्ण श्रद्धांजली...!




"शहीदों की चिताओं पर लगेंगे हर बरस मेले, वतन पर मरने वालों का यहीं बाकि निशां होगा"
- मिर्जा ग़ालिब.

..... त्या वीर शहीदांना त्रिवार वंदन अन् भावपूर्ण श्रद्धांजली...!


BGImage: yoshiko

Monday, 24 November 2008

गेला आठवडा....!

.... आजकाल दिवस जरा मोठे झालेत काय हो... जसा जसा परतायची वेळ जवळ येतेय... दिवस जातच नाही.... :( .. कदाचित परतायची ओढ जरा जास्तच लागलीय ... असो... ! आठ्वडा नेहमीप्रमाणेच कामात गेला....!

... हा ..... शनिवार मस्त लोळत काढला... इकडे टी.व्ही. वर भारतीय कार्यक्रमांचा जरा दुष्काळच आहे... त्यामुळे तेलगु मधला "गजनि" लॅपटौपवरच बघितला.... काय बोलताहेत हे समजत नव्हतं , मात्र एकंदरीत स्टोरी समजण्यासाठी फार त्रास झाला नाही....मस्त वाटला सिनमा.... आता डायलौग्ज आणि गाणी यासाठी अमिर दादांचा सिनमा बघायचा .. !

रविवारी मात्र आम्ही इकडे भल्या पहाटे ९.०० वा. उठुन अभ्यंगस्नान केले.... दोन मैतर लंडन वरुन आले होते.. त्यांना केंब्रिज - केंब्रिज खेळायचे होते - म्हणजे पहायचे होते.. गाडी काढली आणि सरळ केंब्रिज.. !
फेमस कौलेजेस आणि फोटोग्राफिनंतर ते फित्सविलियम म्युझिअम पाहता - पाहता मस्त २-३ तास गेले.... मग थोडा वेळ सिनेवल्ड मध्ये गेम्स पाहण्यात घालवला... आणि नान्डो'ज मध्ये मस्त चिकन वर ताव मारला.. [शाकाहारी लोकांनी कृपया - व्हेज बर्गर आणि फिंगर चिप्स असे वाचावे..!]...

बस्स.... बाकी काय... सातच्या आत घरात ...!

...भुंगा!

Monday, 17 November 2008

नमस्ते लंडन...

..... या विकेंडला लंडनला जाऊन आलो...... ही वारीसुध्दा मस्त झाली .. नाही म्हणजे पाठीमागची वारी जरा खासच होती... पहिली-वहिली होती ना...! यावेळी... लंडन सोबत - विंम्बली स्टेडियमला पण जाऊन आलो....
या शिवाय नेस्डेनच्या स्वामी नारायण मंदिरातही ... जगप्रसिध्द आणि गिनिज बुक मध्ये रेकौर्डस असलेले हे मंदिर इकडे सायाबाच्या देशात ....वा!

... नेहमीप्रमाणे काही छायाचित्रे इथे आहेत ..


...भुंगा!

Saturday, 8 November 2008

केंब्रिज सिटी सेंटर , किंग्ज कौलेज आणि थोडे आसपासचे फोटो ......


... नेहमीप्रमाणे काही छायाचित्रे इथे आहेत ..

...भुंगा!

Friday, 7 November 2008

केंब्रिजचे फायरवर्क - आतिषबाजी...


.... परवा ५ नोव्हेंबरला केंब्रिजचे फायरवर्क - आतिषबाजी - पहायला गेलो होतो... वा! मस्त मजा आली.. मागच्या ट्रीपच्या वेळी [२००६] पण हा इव्हेंट मी पाहिला होता... फार मोठा कार्यक्रम होता राव तो... या वर्षी स्पौसररस न मिळाल्यामुळे थोडासा फरक जाणवला.... काही का असेना.. या वर्षीच्या हुकलेल्या दिवाळीची मजा आम्हीं इथे भरुन काढली...!
दरवर्षी ५ नोव्हे. ला केंब्रिज, यु.के. मध्ये आतिषबाजी केली जाते... अंदाजे १९५० च्या आसपास ही रीत सुरु झाली आणि पहिली ३० वर्षे काही लोकल फॅमिलिजनी मिळुन हा गेट-टुगेदर सारखा कार्यक्रम राबवण्यास सुरुवात केली. नंतर १९८० मध्ये टोनी हौब्स यांनी हा पुर्ण कार्यक्रम आपल्या हाती घेतला... आज केंब्रिज फायरवर्क्स एक परिपुर्ण ट्रेडिंग कंपनी म्हणुन कार्यरत आहे ..!
... नेहमीप्रमाणे काही छायाचित्रे इथे आहेत ..

...भुंगा!

Thursday, 6 November 2008

मामला मार्केटचा ....



Img: © http://www.kaltoons.com

...भुंगा!


भारतीय विद्यार्थ्यांसाठी मोफत सौफ्टवेअर्स - सौजन्य - मायक्रोसौफ्ट

Image representing Microsoft as depicted in Cr...Image via CrunchBase
मंडळी, बिल गेट्स साहेबांच्या कॄपेने भारतीय विद्यार्थ्यांसाठी, ड्रीमस्पार्क [DreamSpark] योजनेअंतर्गत काही सौफ्टवेअर्स मोफत - म्हणजे - फुकट देण्यात येत आहेत.
यामध्ये आहेतः
  • Windows Server,
  • Microsoft Visual Studio,
  • Expression Studio,
  • Virtual PC
आणि इतर काही ....

सौफ्टवेअर्स कसे मिळवालः
... अगदीच सोप्प आहे. कोणत्याही एनआयआयटी [NIIT] किंवा ऍपटेक [Aptech] ट्रेनिंग सेंटमध्ये जा.
आपल्या कौलेज चे ओळखपत्र दाखवा आणि सौफ्टवेअर्स घेऊन जा..

अधिक माहिती : http://www.dreamsparkindia.com/dreamspark/GetDreamTools.aspx?Tab=1


...भुंगा!


Reblog this post [with Zemanta]