डु नॉट डिस्टर्ब!

डी.एन. डी. अर्थात डु नॉट डिस्टर्ब - म्हणजे - त्रास देऊ नका! पण हे त्या टेलीमार्केटींगवाल्यांना कोण सांगणार? दोन आठवडे झाले, सारखे फोन करताहेत. टाईमपास म्हणुन कीती फोन घेणार? आणि हो, यांचे फोन कधी ही येतात! म्हणजे तुम्ही ऑफिसला पोहचायच्या आधी यांचं ऑफिस सुरु झालेलं असतं.. तुम्ही ड्रायविंग करत असता आणि फोन वाजतो. गाडी कडेला घेऊन तो महत्वाचा फोन अटेंड केल्यावर समजते की तो टेली मार्केटींग कॉल आहे! बॉसबरोबर बोलतोय - आणि यांचे कॉल सुरु... अहो, फोन कट केला, तरी काही वेळातच पुन्हा कॉल येतोच!

कदाचित ह्या सार्‍या टेलीमार्केटींगवाल्यांना माझ्या बद्द्ल कुणीतरी चुकिची माहिती दिली आहे ज्यामुळे ते मला अति-श्रीमंत कॅटेगरीतील समजु लागलेत किंवा इंटरनेटवर कुणीतरी - कुठेतरी माझे बँक खाते - बॅलन्स वगैरे अगदी वाढवुन - चढवुन - पब्लिक डिस्प्ले साठी ठेवलंय! नाहीतर अचानक एवढे सारे लोक मलाच का फोन करतील? ;)

तर, सुरुवात झाली ती एस.बी.आय. च्या क्रेडीट कार्ड वाली कडुन:

ती: हॅलो... क्या मै. मि. *** से बात कर सकती हुं?
मी: जी, आप मि. *** से ही बात कर रही हो..
ती: थॅक्यु सर. मै एस.बी.आय. बँक के बि - हाफ से बोल रही हुं..हमारी बँक ने नया क्रेडीट कार्ड लॉंच किया है.... इसमें आपको ५% कॅश बॅक मिलेगा... और अ‍ॅड-ऑन कर्ड भी मिलेगा... आप अपने दुसरे कार्ड का बॅलन्स ट्रान्सफर कर सकते हो...और आपको कोई खास डॉक्युमेंट्स भी नही देने पडेंगे.......... हुश्श्श...!
मी: आपल्याला मराठी येतं?
ती: हो.. येतं ना!
मी: अच्छा. मग आपण, मराठीतच बोलु. त्याचं काय आहे मॅडम, माझ्याकडे आधीच ए.बी.एन आणि स्टॅ.चॅ. ची कार्डे आहेत. त्यामुळे मला आता नविन नकोय्! सॉरी.
ती: पण सर या कार्डवर आपणांस पेट्रोल सरचार्ज लागणार नाही?
मी: हो, पण माझ्याकडच्या कार्डवरही लागत नाही. अगदीच खास काय आहे, तुमच्या या कार्डामध्ये?
ती: ५% कॅश बॅक!
मी: अच्छा! वर्षाचे कीती पैसे भरायचे?
ती: जर आपण २५ किंवा ५०००० वर खरेदी केली तर काही नाही. नाहीतर ५०० किंवा १००० रु. तुम्ही निवडलेल्या कार्ड नुसार!
मी: हुम्म! पण बाकीच्या बँक तर काहीच चार्ज घेत नाहीत, वर्षाचे.
ती: म्हणुन तर ते कॅशबॅक देत नाहीत ना सर. आणि महत्वाचं म्हणजे - आता फक्त एस.बी.आय. आणि स्टॅ.चॅ. च कार्ड देतात. बाकी सार्‍या बॅंकांनी बंद केलय!
मी: अच्छा! तरीही.... मला कार्ड नकोय. माफ करा.
ती: ठीक आहे, सर!

तसा हा टेली - कॉल बर्‍याच दिवसांतुन वर्षातुन - आला होता. त्यामुळे थोडं बोलणंही झालं. त्यामुळं त्या दिवशी तसं नविन काही वाटलं नाही. मात्र दुसर्‍या दिवसांपासुन अगदी रांगच लागली.

तो: स्टॅ.चॅ. = नविन कार्ड आलयं... कॅशबॅक... हे आहे... ते आहे..
ती: रेलिगेअर मधुन बोलतेय - आपल्या रिटायरमेंट प्लान बद्द्ल थोडं बोलायचं होतं. कधी पाठवु आमच्या एक्झिक्युटिवला?
ती: सर, अविवा मधुन बोलतेय, नविन इंश्युरंस स्कीम आहे. आपली दहा मिनिटे हवी आहेत. मी आपणास लगेच एक्सप्लेन करते.

हुश्श्श्श्श्श्श्श....!

आता या कॉल्स बरोबर एस.एम.एस. ही चालुच होते.

**** हॉटेलमध्ये या, २०% डिस्काऊंट चालु आहे!
**** या कोर्सचे ट्रेनिंग सुरु होत आहे. लवकरात लवरकर नाव नोंदणी करा!
**** कॉल करा... फ्ल्युंएट इंग्लिश बोलायला शिका..

आता मात्र डोकं सटकलं. तडक आयडियाला मेल लिहिली आणि वरचे सारे नंबर दिले. हे पण नमुद केले की, माझा नंबर डिसें. २००७ पासुन डी.एन.डी. साठी रजिस्टर्डआहे. मात्र गेल्या सात दिवसांतील ह्या फोन आणि मेसेजेसमुळे मी अगदी भांडावुन गेलो आहे. ताबडतोब सोक्षमोक्ष लावा...!

हुम्म... मेल गेल्या गुरुवारी लिहिली. शुक्रवारी टेली - कॉल किंवा मेसेज नाही आला. बरं वाटलं!

मात्र आता नविनच मेसेजेस सुरु झालेत!

आपले नेते **** यांची पदयात्रा
दि. ** रोजी ** येथे आहे.
वाजत गाजत या!

आपले नेते **** हे दि. ** रोजी ** मधुन
आपली उमेदवारी दाखल करणार आहेत.
हजारोंच्या संख्येने उपस्थित रहा!

आवडते नेते **** यांच्या सभेला हजारोंच्या संख्येने उपस्थित रहा!

खरंय, लोकनेते, म्हणजे लोक आणि नेते, दोन्हीही टेक्नो आणि त्याचबरोबर इस्टमनकलरही झालेत. आजकाल एस.एम.एस. वर असं निवडणुकांच मार्केटींग कँपेन जोरात चालु आहे. काही वर्षापुर्वी, माझ्या एका मित्राच्या मोबाईलवर फोन आला. त्यांनं हॅलो म्हटल्याबरोबर तिकडुन आवाज आला - "नमस्कार, मै अटलबिहारी वाजपेयी बोल रहा हुं! " [ अ.मा = लोकसत्ता - २५ फेब. २००४]

.... या विषयावर लिहायचं नाही, असं ठरवलं होतं, मात्र आत्ताच पुन्हा एस.बी.आय. चा क्रेडीट कार्डचा फोन झाला... आणि .... टींग - टींग...थांबा, नविन मेसेज आलाय....... ....... ...... .....!

Read More

स्टार माझा - ब्लॉग माझा स्पर्धा.

नमस्कार,........!
'ब्लॉग माझा' स्पर्धेचं हे दुसरं वर्ष. गेल्या वर्षी 'स्टार माझा'नं ही स्पर्धा सुरू केली. मुळात ब्लॉगिंगसारख्या नव्या माध्यमाबाबत त्यातही मराठी ब्लॉगिंगसंदर्भात विशिष्ट वर्तुळातच चर्चा, उपक्रम होताना दिसतात. म्हणूनच ब्लॉगिंगचा प्रसार व्हावा, नवे ब्लॉग निर्माण व्हावेत, सध्या जे मराठी ब्लॉगर्स आहेत त्यांना प्रोत्साहन मिळावं; या हेतूने मराठी ब्लॉगर्ससाठीची अशी ही स्पर्धा पहिल्यांदाच 'स्टार माझा'नं आयोजित केली आहे.
- स्टार माझा - वरुन, मराठी ब्लॉगर्सच्या माहितीसाठी.

ब्लॉग मराठीतच लिहिलेला हवा
ब्लॉग पाठवण्याची शेवटची तारीख ३० सप्टेंबर २००९.
अधिक माहिती = ब्लॉग माझा स्पर्धा

Read More

दसर्‍याच्या लाख - लाख शुभेच्छा ..!

सोनेरी दिवस, सोनेरी पर्व,
सोनेरी क्षण, सोनेरी आठवणी,
सोनेरी शुभेच्छा, सोन्यासारख्या लोकांना ..!

डाऊनलोड [ ]

डाऊनलोड [ ]

डाऊनलोड [ ]

Read More

आज हुतात्मा भगतसिंग यांचा जन्मदिन..

हुतात्मा भगतसिंग
जन्म: सप्टेंबर २७, १९०७

'जरी न गातील भाट डफावर तुझे यशोगान,
सफल जाहले तुझेच हे रे, तुझेच बलिदान'
- कुसुमाग्रज

फोटो - विकि

Read More

फोटो आल्बम ब्लॉग/ वेबसाइटवर कसा दाखवाल?

मला वाटतं प्रत्येकालाच फोटोगिरी करायला आवडते. अगदी नाही म्हटलं तरी - मोबाईल फोनवरुन तरी आपण क्लिक करतच असतो. बर्‍यादा आपण फोटो गुगलच्या "पिकासा' किंवा याहुच्या "फ्लिकर" वरती अपलोड करतो. आता हे फोटो आपल्या ब्लॉगवरती किंवा वेबसाइटवरती ही तुम्ही दाखवु शकता. म्हणजे तुमच्या विजिटर्सना तुमचे फोटो पाहण्यासाठी फ्लिकर किंवा पिकासा वरती जावे लागणार नाही. आपण माझ्या ब्लॉगर - वरती अशीच फोटोगिरी म्हणुन लिंक पाहिलीच असेल?

पिकासा: गुगलने तुमचे फोटो ऑनलाईन साठवण्यासाठी [साठा = १ जी.बी.] दिलेली ही मोफतची सुविधा.
फ्लिकरः आता ही याहु ची कंपनी आहे. आपण येथेही फोटो अपलोड करु शकता. बरेच फोटोग्राफर्स पिकासापेक्षा फ्लिकर निवडतात. आता त्यांचे अनुभव/ कारणे त्यांनीच द्यावीत. असो!!

पिकासा चे आल्बम्स कसे दाखवाल?
१. पिकासा मध्ये तुमच्या जी मेलच्या आ.डी. ने लॉगिन करा. एक आल्बम बनवा. हा आल्बम मात्र पब्लिक असावा. त्यात तुमचे फोटो अपलोड करा.
२. ब्लॉगर वरती एक नविन पोस्ट - "माझे फोटो" नावाने तयार करा.
३. त्या पोस्टच्या HTML टॅब मध्ये जाऊन हा कोड पेस्ट करा किंवा ब्लॉगरमध्ये - नविन HTML गॅजेट टाका आणि त्यात हा कोड पेस्ट करा.

<script type="text/javascript">username = 'YourPicasaID';</script>
<script type="text/javascript" src="http://sites.google.com/site/blogstoresite/Home/BBpwa2.js"></script>

YourPicasaID = तुमची पिकासा / जी'मेल आय.डी. = फक्त नाव/ आय.डी. @gmail.com लाऊ नका!

४. पोस्ट पब्लिश करा किंवा गॅजेट सेव करा... झाले!

आता या पोस्टमध्ये तुमचे सारे पब्लिक आल्बम दिसु लागतील.

फ्लिकर चे काय?

आता फ्लिकर / पिकासा साठी एक सुविधा आहे.
१. "पिक्टोबिल्डर" या साइटवर जा
२. तुमचा पिकासा किंवा फ्लिकरचा आय.डी. द्या आणि त्यानंतर सेट्स, टेग्ज किंवा ग्रुप सिलेक्ट करा.
३. नंतरच्या सेटींग मध्ये तुम्हाला पाहिजेत ते बदल करा, तुमचा आल्ब्म तयार!
४. वरती सेटिंग्जच्या बाजुला असणार्‍या "Get HTML Code" वरती क्लिक करा.
५. ब्लॉगरमध्ये - नविन HTML गॅजेट टाका आणि त्यात हा कोड पेस्ट करा.

झाले!
उदाहरणः
माझी फोटोगिरी

तुमचे प्रश्न - कमेंट्स?

Read More

लाइटबॉक्स: पॉप-अप मध्ये फोटो दाखवा!

बर्‍याच वेबसाइट्स किंवा ब्लॉग्ज फोटो - इमेज आधी छोटी दाखवुन त्यावर क्लिक केल्यानंतर ती मोठी दाखवतात. हा मोठा फोटो शक्यतो नविन विंडोमध्ये किंवा पॉप-अप विंडो मध्ये ओपन होतो. जर आपणास तो त्याच पेजवर दाखवायचा असल्यास "लाइटबॉक्स" ही सुविधा उपयोगी पडते.

कसे कराल?
सर्वात आधी टेंप्लेटच्या "Layout - HTML" मध्ये जाऊन :

</head>

च्या वरती खाली दिलेला कोड पेस्ट करा.

<!-- Start Lightbox -->
<script src='http://sites.google.com/site/blogstoresite/blogger/prototype.js' type='text/javascript'></script>
<script src='http://sites.google.com/site/blogstoresite/blogger/scriptaculous.js?load=effects,builder' type='text/javascript'></script>
<script src='http://sites.google.com/site/blogstoresite/blogger/lightbox.js' type='text/javascript'></script>
<link type='text/css' rel='stylesheet' href='http://sites.google.com/site/blogstoresite/blogger/lightbox.css' />
<script type="text/javascript">onload=function() {var one = "s1600-h";var two = "s1600";var x = document.getElementsByTagName("a");for(var idx = 0; idx < x.length; idx++){var link = x[idx].href;if ( link.indexOf(one) != -1){x[idx].href = x[idx].href.replace(one, two);}}}</script>
<!-- End Lightbox -->

आणि टेंप्लेट सेव करा.

आता नविन पोस्ट - फोटोसहित लिहायला घ्या किंव जुनी एडिट करायला घ्या. तुम्हाला हवा असणारा फोटो पोस्टमध्ये अपलोड करा. आता तुमच्या ब्लॉगरच्या पोस्ट मध्ये "Edit HTML" मध्ये जाऊन त्या फोटोचा कोड पहा. ही सोय एका किंवा अनेक एकाच आल्बम मधील अनेक फोटोंना करता येते.

एक फोटो:
ज्या फोटोला पॉप-बॉक्स मध्ये दाखवायचे आहे त्याच्या लिंकच्या कोड मध्ये हे पेस्ट करा:
rel="lightbox" title="Your Title"
उदाहरणः

<a rel="lightbox" title="फोटोबद्दल माहिती." href="bigPhoto.JPG" > <img alt="" border="0" src="smallPhoto.JPG" /> </a>

आता या खालच्या फोटोवर क्लिक करुन पहा!

फोटो ग्रुपः
आता जर फोटोंचा ग्रुप असेल तर एका पाठोपाठ एक फोटो दाखवता येतील. त्यासाठी मोठ्या फोटोच्या लिंक मध्ये हे लिहा:
rel="lightbox[Group Name]" title="Your Title"

उदाहरणः

<a rel="lightbox[ताजमहाल]" title="ताजमहाल एक" href="big01.JPG" > <img alt="" border="0" src="small01.JPG" /> </a>
<a rel="lightbox[ताजमहाल]" title="ताजमहाल दोन" href="big02.JPG" > <img alt="" border="0" src="small02.JPG" /> </a>

खाली दिलेल्या फोटोवर क्लिक केल्यास पॉप-अप मध्ये तो फोटो दिसेल. फोटो वर माऊस डाव्या किंवा उजव्या बाजुस नेल्यास PREV किंवा NEXT असे बटन दिसेल. त्यानुसार फोटो पुढे - मागे करता येतील. पॉप-अप घालविण्यासाठी खाली दिसणार्‍या क्लोज बटनवर किंवा फोटोव्यतिरिक्त अन्य कोणत्याही मोकळ्या जागी क्लिक करा.

हे लक्षात घ्या:
फोटो एकच असेल किंवा वेगवेगळ्या कॅटेगरीचे असतील तर कोड:
rel="lightbox" title="my photo title"

फोटो एकाच आल्बमचे / कॅटेगरीचे असतील तर कोड
rel="lightbox[AlbumName]" title="my individual photo title"

टेक्निकली ही सुविधा "पॉप-अप" नसल्याने पॉप-अप ब्लॉकर असले तरीही ही सुविधा चालेल. मोठा फोटो नविन विंडो मध्ये दाखविण्यापेक्षा त्याच पेजवर अशा प्रकारे दाखवणे अधिक सुंदर, नाही का?
सुविधा: लाइटबॉक्स. कारागिरः लोकेश

तुमच्या कमेंट्स - प्रश्न?

Read More

गुगल कॅलेंडर - रीमाइंडर सर्विस!

गुगलचे कॅलेडर आपणास माहितच असेल. बरेच लोक - मी सुध्दा - या कॅलेंडरचा वापर आपल्या दैनंदिन अपाँट्मेंटस् - रिमाइंडर यासाठी करतात. या द्वारे तुम्ही ई-मेल आणि मोबाईलवर देखील एस.एम.एस. च्या स्वरुपात रिमाइंडर सेट करु शकता.

कामाच्या गडबडीमध्ये म्हणा वा लक्षात न राहिल्याने आपण बरेच काही विसरुन जातो... जसे मित्रांचे वाढदिवस ... इंश्युरंस च्या पेमेंट तारखा ... टी.व्ही. वर येणारा एखादा आवडता प्रोग्राम किंवा सिनेमा... येवढेच नाही तर औषधाचे डोस ही! तर तुम्ही अशा गोष्टी न विसरता करु शकता - गुगलचे कॅलेडर च्या मदतीने!

कसे करालः

१. गुगल कॅलेंडरला जीमेलच्या लॉगिन - पासवर्डने लॉगिन करा - किंवा तुमच्या जीमेलच्या डाव्या - वरच्या कोपर्‍यात दिसणार्‍या कॅलेडरवर क्लिक करा.
२. कॅलेडर उघडेल.
३. उजव्या - वरच्या बाजुला "सेटिग्ज" या लिंकवर क्लिक करुन "मोबाईल सेटअप" या टॅब मध्ये जा. ही स्क्रीन अशी दिसेल.
४. या ठीकाणी - इंडिया सिलेक्ट करुन त्याखाली आपला मोबाईल नंबर द्या आणि - "सेन्ड वेरीफिकेशन कोड" हे बटन क्लिक करा.
५. तुमच्या मोबाईलवरती सहा अंकी एक नंबर येईल, तो खालच्या वेरिफिकेशन बॉक्स मध्ये टाइप करुन "फिनिश सेटअप" क्लिक करा.

हे झालं - मोबाईल वरती रिमाइंडर येण्यासाठीचे सेट-अप.

आता तुमचे कॅलेडर - असेलच! - नसेल तर "सेटिंग्ज" मध्ये जाऊन - कॅलेंड टॅबमध्ये असणार्‍या "क्रीएट न्यु कॅलेडर" वर क्लिक करुन त्यात विचारलेली महिती भरा. तुमचे कॅलेंडर तयार!

आत रिमाइंडर सेट करण्यासाठी तारीख निवडा - डाव्या बाजुला दिसणार्‍या अंकावर क्लिक करा. मग उजव्या बाजुस दिसणार्‍या योग्य वेळेवरती क्लिक करा आणि त्यात त्या रिमाइंडरचे नाव घालुन इव्हेंट सेव करा. ही स्क्रीन अशी दिसेल.

आता पुन्हा त्या इवेंटवर क्लिक केल्यास तो एडिट करण्यासाठी ओपन होईल.येथे तुम्ही एस.एम.एस. साठी रिमाइंडर सेट करा. ही स्क्रीन अशी दिसेल. उजव्या बाजुला दिसणार्‍या ऑप्शन्स मधुन एस.एम.एस. किंवा ई-मेल असे रिमाइंडर्स सेट करा.

शिवाय मध्यभागी - कॅलेंडर मध्ये तुम्ही हा इव्हेंट कधी - कधी रिपिट करायचा हे सुध्दा सेट करु शकता. म्हणजे समजा हा इव्हेंत जर तुमच्या मित्राचा वाढदिवस असेल तर त्या रिपिटमध्ये "इयरली" असे सिलेक्ट करा. म्हणजे तुम्हाला हा एस.एम.एस. दर वर्षी येत राहिल - आणि तुम्ही मित्रांचे वाढदिवस विसणार नाही..!

आणि हो, ही सुविधा फ्री आहे. आता अशी सर्विस देणार्‍या इतर वेबसाइट्स ही आहेतच. त्यामुळे गुगलच का? हा वाद नको!

अधिक माहिती / कोणते मोबाईल सर्विस वाले चालतील?

तुमचे म्हणने?

Read More

भोपाळ वायु-गळती: ब्युटी अँड दी बीस्ट

दैनंदिनी: १३ सप्टें २००९

भोपाळ वायु-गळतीवरील, राणी दुर्वे यांचा "ब्युटी अँड दी बीस्ट" हा लेख वाचुन काही वेळ तरी संवेदनाशुन्य होतं. इतका विस्तृत आणि हजरजबाबी लेख यापुर्वी वाचल्याचे आठवत नाही.

लोकसत्ता मध्ये प्रकाशित झालेला लेख

उद्या सकाळी - गुगलच्या कॅलेंडर सुविधेवरती लिहितोय... भेटु, सकाळी दहा वाजता! शुभ रात्री!

Read More

कन्सर्न इंडिया फाऊंडेशन

दैनंदिनी: १२ सप्टें. २००९
सकाळी एस.बी.आय. च्या क्रेडिट कार्ड वाल्या बाईंच्या फोनने दिवसाची सुरुवात.... आता माझ्याकडे ऑलरेडी कार्डस् आहेत मात्र यात "काही खास आहे!" असं सांगुन पटवायचा प्रयत्न... हुम्म, कदाचित मी कार्ड घेइन!

बायकोचा वाढदिवस .. तिची गडबड.. संध्याकाळचं सेलिब्रेशन विथ - केक - आणि पिझ्झा, ठरलेलं!

संध्याकाळी दोन "इन्फि"वाले लोक - सोशलवर्क म्हणुन डोनेशनसाठी आले होते. ते दोघं एक सोशल टास्क म्हणुन - कन्सर्न इंडिया फाऊंडेशन - साठी विकेन्डला हे काम करत होते. त्यांनी दिलेल्या माहितीनुसार - सध्या हे लोक चाइल्ड एब्युज - त्यात सापडलेल्या अल्पवयीन मुली यांच्या मेडिकल / टेस्ट साठी पैसे गोळा करत होते. त्यांनी दिलेली माहिती धक्कादायक होती!

बायकोच्या नावाने एक चेक दिला.. तेवढंच आमचीही मदत, फुल ना फुलाची पाकळी!

Read More

९-११ च्या आठवणी....

दैनंदिनी, ११ सप्टें २००९:

०९/११/२००१ चा आजचाच दिवस.. मानवतेच्या इतिहासात एक भयानक - काळा दिवस...
डिस्कवरीवरती त्या बद्दल मस्त कार्यक्रम होता.. अगदी ते अटॅकर्स ना तयार करण्यापासुन हल्ल्यापर्यंतची माहिती दाखवली.

९-११ बद्दल बर्‍याच स्टोरीज आहेत.. म्हणजे - की हा सगळा अमेरीकेचाच एक प्लान होता.. त्या बिल्डिंगज अशा हल्ल्यासाळी मजबुत होत्य, त्यामुळे त्यांच्या पिलर्सनाच स्फोटके लावण्यात आली होती.... त्या दोन्ही बिल्डींग्ज आसपासच्या बिल्डींग्जवर न पडता अगदीच सरळ कशा पडल्या? किंवा त्या बिल्डींगमध्ये - त्या दिवशी खास लोक आलेच नव्हते, त्यांना हे करस्थान आधीच माहित होतं - आणि अशा बर्‍याच - अफवा की सत्यता!

बाकी दिवस - थंडाच!

Read More

कोण - घाबरते - कुणाला ?

दैनंदिनी: ११ सप्टें २००९
दिवसाची सुरुवात या आलेल्या एस.एम.एस. वरुन झाली...

वा..रे! दुनिया!
उंदिर घाबरतो - मांजराला - मांजर घाबरते - कुत्र्याला - कुत्रा घाबरतो - बाबाला - बाबा घाबरतो - बाईला - बाई घाबरते - उंदराला!



काय सॉलिड "घाबरी सायकल आहे!"

सही ना?

Read More

गुगल एनालॅटिक्स: तुमच्या विजिटर्संना ओळखा!

गुगलची एनालॅटिक्स ही सुविधा तुम्हाला तुमच्या विजिटर्स बद्दल सारी माहीती देते, म्हणजे, तुमच्या ब्लॉग/ साइटवर रोज/ आठवडयात/ महिन्यात कीती लोक आले - कुठुन आले, काय शोधुन आले, कोणत्या सर्च इंजिन मधुन किंवा ब्लॉग/साइटवरुन आले, ते कोणती ओ.एस. किंवा ब्राऊजर वापरता... आणि अशी बरीच माहिती. प्रोफेशन ब्लॉगर्स ही माहिती गोळा करुन आपली पोस्ट/ लेख लिहितात.

तर, तुम्ही ही सुविधा कशी वापराल?

१. गुगल एनालॅटिक्सला - जीमेलच्या लॉगिन - पासवर्डने लॉगिन करा.
२. ही अशी स्क्रीन दिसेल. साइनअप क्लिक करुन पुढे जा
३. आता या स्क्रीनवर तुमच्या ब्लॉगची माहीती भरा आणि कंटीन्यु क्लिक करा.
४. पुन्हा तुमचे डिटेल्स भरा आणि कंटीन्यु क्लिक करा.
५. "Yes, I agree to the above terms and conditions. " पुढे चेक करा आणि "Create new account" क्लिक करा.
६. या स्क्रीनवरुन बॉक्समध्ये दिसणारा कोड कॉपी करा आणि नंतर "Finish" क्लिक करा.
आता, ब्लॉगरला लॉगिन करा.
१. "Layout" टॅब वरुन "Edit HTML" वर क्लिक करा.
२. या पानांवरचा कोड स्क्रोल करुन शेवटी जा व जिथे

</body>

दिसेल त्याच्या लगेच वरती... वरच्या स्टेप मध्ये कॉपी केलेला कोड पेस्ट करा.
३. आता सेव करा. झालं.

यानंतर पुन्हा
१. गुगल एनालॅटिक्सला - जीमेलच्या लॉगिन - पासवर्डने लॉगिन करा.
२. ही अशी स्क्रीन दिसेल.
३. "View report" वर क्लिक करा आणि आता तुम्हाला रीपोर्ट दिसेल.
४. हा पहा सॅपल रेपोर्ट.

आता या पानावर थोडं इकडं तिकडं क्लिक करुन पहा - म्हणजे तुम्हाला कळेल की विजिटर कोठुन आले... काय सर्च करुन आले... कोणत्या साइट वरुन आले.. वगैरे - वगैरे!

वर्डप्रेसच्या फ्री होस्टेड सर्विसमध्ये हा कोड टाकता येणार नाही... मात्र तुमचा स्वहोस्टेड ब्लॉग/ साइट असेल तर मात्र तो कोड याच स्टेप्स वरुन वापरता येईल.

गुगल एनालॅटीक्स माझ्या माहितीनुसार तुम्हाला हिट - स्टॅट काऊंटर देत नाही... मला वाटतं जर हिटकाऊंटर ५००००+ नसेल तर तो दाखवण्यात काही तथ्य नाही. उगाचच ब्लॉगचे इंप्रेशन खराब होतं!

मात्र जर तुम्हाला हीट काऊंटर दाखवायचाच असेल तर स्टॅट काऊंटर, वेबमास्टरएप्स म्हणुन वेबसाइट आहे.. त्यावर रजिस्टर करा ... प्रोसेस सोपी आहे. तो कोड तुम्हाला ब्लोगरच्या गॅजेट मध्ये टाकुन ते दाखवता येईल!

तुमचे प्रश्न - कमेंट्स?

Read More

रायरेश्वर - केंजळगडच्या आठवणी...

दैनंदिनी: ९ सप्टें. २००९

दोन वर्षांपुर्वी याच महिन्यात रायरेश्वर आणि केंजळगडचे ट्रेक केले होते. पंकजच्या रायरेश्वरची पोस्ट वाचुन रायरेश्वरची आठवण झाली...! रायरेश्वरच्या आठवणी जाग्या केल्यास.... आमचा ट्रेकही मस्त झाला होता... मात्र पायवाटेने पुर्ण राउंड मारायच्या ऐवजी आम्ही मधुनच वर चढलो आणि सोपा ट्रेक अवघड करुन टाकला होता. रायरेश्वर, खरंच स्वर्गाची अनुभुती देणारा आहे.. आता स्वर्ग पाहिलाय कुणी, पण ठामपणे सांगावे वाटते - यापेक्षा सुंदर नसावाच.

शिवाय केंजळगडचा बुलेट ट्रेकही भन्नाट झाला होता. तो वरती बोर्ड आहे ना, तिथंपर्यंत मी बुलेट चढवली होती... हा हा..! आणि हो - या बुलेट ट्रेक ची स्टोरी "रॉयल इनफिल्ड" च्या वेबसाइट ला सबमिट केली होती. त्यांनी ती प्रकाशित केली आणि मला "रॉयल इनफिल्ड" टी शर्टही मिळाला!! त्यामुळे केंजळगड चा ट्रेक खास महत्वाचा!

आज ०९/०९/०९ आहे... सकाळी ०९.०९ पहायचे राहिले.. म्हणुन रात्रीचे ०९.०९ चा आलाराम[!] लाऊन वेळेची आठवण केली!

उद्या - गुगलच्या एनालॅटिक्स वर लिहितोय... तेंव्हा ती पोस्ट जरुर वाचा...

जाता - जाता:
बर्‍याचदा मी विजिटर्सना, मराठी ब्लॉग्जवरती इंग्रजीतुन किंवा इंग्रजीमिश्रित मराठीतुन कमेंटस देताना पाहतो. आता प्रत्येकाकडे मराठीसाठी दुसर्‍या साइटवर [गुगल इंडिक - गमभन] जाऊन लिहिण्याचा वेळ नसतो. अशांनी कॄपया ही - "कोणत्याही वेबसाईट्वर भारतीय भाषेत लिहा" पोस्ट वाचुन त्यावर झटपट तोडगा करावा!

चला, उद्या भेटुच! शुभ रात्री!

Read More

दैनंदिनी

दैनंदिनी ८ सप्टें २००९

आजकाल ऑफिसमध्येही बोअर होतं.. अर्थात त्यात नविन काही नाही... ! सारा दिवस कामातच गेला... !

पंकजची ट्रेकची पोस्ट आणि महेंद्रजींची - चोरीची पोस्ट - एका दिवसांत दोन सॉलिट लेख वाचायला मिळाले... तसा मी ही - फीडबर्नवर वर लिहिलयंच.. बघा तुम्हाला काय समजलं आणि मदत झाली तर..

महत्त्वाचं म्हणजे - आजचं के२- भाग-२ बघायचं राहिलं... याचं रीपिट टेलिकास्ट असतं का?

जातो - झोप येतेय. शुभ रात्री!

Read More

फीडबर्नरची सुविधा

परवाच्या एका मेल मध्ये विक्रमने फीडबर्नर कसे वापरायचे हे विचारलं होतं .. त्याच्या रीप्लाय-खातर ही पोस्टः

फीडबर्नरः २००४ मध्ये सुरु झालेली हे "वेब बेस्ड फीड मॅनेजमेंट" [वेब २.०] ची सुविधा आजच्या ब्लॉगिंग प्लॅटफॉर्म्स [ब्लॉगर/ वर्डप्रेस] वरती चांगलीच प्रसिद्ध आहे. याद्वारे पब्लिशर्स/ ब्लॉगर्स आपल्या वाचकांना फीड रीडर किंवा ई-मेलच्या स्वरुपात आपल्या लिखानाबद्दल कळवु शकतात. आपण ज्या ब्लोगच्या फीडबर्नर मध्ये रजिस्ट्रेशन करता त्या नंतर तुमच्या दिलेल्या ई-मेलवरती नविन प्रकाशित झालेल्या लेखांची मेल येते. अशा प्रकारे, त्या ब्लॉगवरती न जाताही विजिटर्स ब्लॉगर्सचे लिखान वाचु शकतात. ब्लॉगर्सच्या फीडमेल मध्ये आपणास जाहिराती दाखवण्याचीही सोय असते. उदा. गुगल ऐडसेन्स. २००७ मध्ये गुगलने फीबर्नर आपल्या सुविधांमध्ये दाखल केले.

१. फीडबर्नरला - जीमेलच्या लॉगिन - पासवर्डने लॉगिन करा.
२. ही अशी स्क्रीन दिसेल.
३.

http://YourBlogName.blogspot.com/feeds/posts/default?alt=rss

YourBlogName= तुमच्या ब्लॉगचे नाव.
४. आता तुमच्या ब्लॉगची पुर्ण लिंक कॉपी करा आणि "Burn a feed right this instant. Type your blog or feed address here:" च्या खालच्या बॉक्समधे पेस्ट करा आणि नेक्स्टवर क्लिक करा.
५. तुमच्या ब्लॉगचे नाव लिहा - डिफॉल्ट येईलच, नेक्स्ट क्लिक करा.
६. आता नेक्स्ट - नेक्स्ट क्लिक करत या स्क्रीनवर या.
७. आता "Publicize" टॅबवर क्लिक करुन डाव्या बाजुला "Email Subscriptions" या लिंकवर क्लिक करा. आणि "Activate" या बटनांवर क्लिक करा. हे असं दिसेल
८. आता ही स्क्रीन दिसेल. त्यात दिसणारा पुर्ण कोड कॉपी करा.
९. ब्लॉगरला लॉगिन करा - "Layout" टॅब - वर जाऊन "Page Element" वर क्लिक करा.
१०. आता जिथं हा कोड टाकायचा असेल तिथं "Add Gadgets" वर क्लिक करा.
११. "HTML - Javascript" चा बॉक्स क्लिक करुन त्यात हा कोड टाका.
१२. झालं. आता तुमच्या ब्लॉगवर ई-मेल सबस्क्रिप्शनचा फॉर्म दिसु लागेल!

अपडेटः महेंद्रजीच्या वर्डप्रेस ब्लॉगसाठी :)
वरच्याच स्टेप्स:
१. स्टेप नं. १ मध्ये दाखवलेली तुमच्या फीडची लिंक अशी असेल:

http://MyWordpressBlog.wordpress.com/feed/

MyWordpressBlog = तुमच्या ब्लॉगचे नाव.
२. स्टेप नं. ८ मध्ये दाखवलेली स्क्रीन अशी दिसेल.
३. तो कोड कॉपी करा
४. वर्डप्रेसला लॉगिन करुन - विजेट्स मध्ये जा.
५. तिथे "HTML - TEXT" सिलेक्ट करुन त्यामध्ये वरील कोड पेस्ट करा.
६. आता तुमच्या साइडबार मध्ये "Subscribe to YourBlogName by Email' अशी लिंक दिसेल YourBlogName = तुमच्या ब्लॉगचे नाव.

आता पुढील स्टेप्स सारख्याच... फीडबर्नला लॉगिन करा आणि तुमचे सबस्क्रायबर्स पहा.

काही ब्लॉगर्स पुर्ण लेख/ पोस्ट फीडच्या माध्यमातुन प्रकाशित करतात तर काही अगदी सारांश. सारांश प्रकाशित करणे चांगले - कारण जर तुमचा लेख उत्तम असेल तर सारांश वाचुनही लोक पुर्ण लेख वाचण्यासाठी तुमच्या ब्लॉगर येतीलच! ब्लॉगर मध्ये - पोस्टचा सारांश - पहिल्या काही ओळी - सुमारे २५५ शब्द दाखविण्यासाठी किंवा पुर्ण लेख दाखविण्यासाठी:
१. ब्लॉगरला लॉगिन करा.
२. "सेटींग्ज" टॅब मध्ये जाऊन "साइट फीड" क्लिक करा.
३. Allow Blog Feeds मध्ये "Full" किंवा "short" सिलेक्ट करा.
४. Post Feed Redirect URL मध्ये तुमच्या फीडबर्नरची लिंक द्या.
5. सेव करा.

वर्डप्रेससाठी हीच माहिती या साईटवर आहे = http://support.wordpress.com/settings/reading-settings/

काही अडचण?

Read More

खतरों के खिलाडी - भाग दोन

दैनंदिनी. ७ सप्टें. २००९.
चार दिवसांच्या सुट्टीनंतर ऑफिस... ९४ ई-मेल.. बर्‍याच एफ्.वाय.आय. च्या... कामाच्या फारच कमी.. चहाच्या कपाबरोबर सगळ्या वाचल्या... आणि कामाच्या बाजुला करुन कामाला प्रायारीटीनुसार सुरुवात.

खतरों के खिलाडी - भाग दोन:
संध्याकाळी, खास "खतरों के खिलाडी - भाग दोन" बघण्यासाठी वेळ काढुन ठेवलेला... १४ पोरी.. माफ करा - बायका - सगळ्याच काही ओळखीच्या नाहीत मात्र काही चेहरे जाने पेहचाने -आणि त्यांचे पार्टनर [१२]... सुरुवात तर चांगली झालीय.. विषेशतः गांडुळांनी भरलेल्या भांड्यातुन गांडुळे तोंडाने काढुन दुसर्‍या बॉक्स मध्ये - पार्टनरच्या डोक्यावर टाकणे जरा किळसवाणेच होते... ही ही ही! पण मज्जा आली असेल.. मला तर आली - बघायला...!

.. कलर चॅनलवरती मध्येच अमिताभची नविन "बिग बॉसची" जाहिरात पाहिलीत का? अच्छा, मला वाटतं यावेळच्या बिग बॉसमध्ये हे लोक असतील:
अमिताभ बच्चन, रेखा, दारासिंग, धर्मेंद्र, हेमा मालिनी, डॅनी, सुरेश ओबेरॉय, रीमा लागु

... अजुन काही तुम्हाला आठवताहेत?

विषेशतः "रेखाला कणीक मळताना" आणि हेमाजींना "कपडे धुतानाची" टास्क दिल्यावर काय होईल .... अमिताभ आणि धरमजी "शोले" च्या आठवणी बद्द्ल बोलताना काय काय सांगतील...अमिताभ - रेखा चोरुन भेटायचा प्रयत्न करतील का... धरम - हेमा पुन्हा जुळतील का? दारासिंग कीती तुप खायचे हे सांगतील का? सुरेश ओबेरॉय जुन्या आठवणींत काय सांगतील? डॅनी शोलेतील गब्बर असता तर? हे पाहताना - ऐकताना मज्जा येईल, नाही? ... उगाच माझं आपलं इमॅजिनेशन!

... तर, खके-२ च्या आजच्या भागात- शोनाली - चंदन [?] ची जोडी बाद - घरी परत! उद्याचा खेळ - उद्या पाहुच! शुभ रात्री!

Read More

तुमचा ब्लॉग आणि ब्लॉग हिटस् ..!

परवाच्या एका पोस्ट वरती श्री. रानडे यांनी ब्लॉग हिटस् कशा वाढवता येतील? असं विचारलं होतं. लागलीच उत्तर देता येणं शक्य नव्ह्त, म्हटलं सविस्तर लिहाव. कदाचित इतरांनाही उपयोगी पडेल. तर, ब्लॉग हिटस् वाढवण्यासाठी काही काही टेक्निकल गोष्टीही लागतात, जसं सर्च इंजिन ऑप्टीमायझेशन वगैरे वगैरे. पण त्या आधी आपण काही इतर नॉन-टेक्निकल म्हणता येतील अशा गोष्टी पाहु.

१.तुमच्या ब्लॉगचे कंटेंटस् - ओरिजिन्यालिटी: हे सर्वात महत्त्वाचे. तुम्ही काय लिहिता, कसं लिहिता यावर तुमच्या ब्लॉगवर लोक येत असतात. ओरिजनल कंटेट्स असणार्‍या ब्लॉगवरच लोक वाचनं पसंद करतात. म्हणजे तुम्ही जर इतर साइट्स / ब्लॉग्ज वरुन कॉपी करुन पोस्ट करत असाल तर, लोकांना त्यात नविन काही वाटेल किंवा आवडेल असं सांगता येणार नाही. शिवाय ते ब्लॉगिंगच्या एथिक्स मध्ये बसत नाही, असंच मी म्हणेन. जर कंटेट्स इतर साइटवरुन घेतले असतील तर ते लिंक करा. मुळ लेखकाचा आदर करा! आता ओरिजनल कंटेंट्स लिहिण्यासाठी थोडं डोकं चालवावं लागतं हे ही खरंच! पण स्वतः लिहिलेले - मनमोकळे पणानं लिहिलेले पोस्ट्स वाचकांना नेहमीच भुरळ घालतात हेच खरं. उदा. दयायचं म्हटलं तर महेंद्र कुललर्णीं किंवा अनिकेत चा ब्लॉग वाचा. भन्नाट आणि बिंधास्त लिहितात हे. आणि म्हणुनच त्यांचे हिटस ५०००० पेक्षा अधिक आहेत. शिवाय खुद्द वर्डप्रेसच्या हॉट ब्लॉग लिस्ट मध्ये त्यांचे ब्लॉग आहेत!

२.कमेंटस् - प्रतिक्रिया: तुम्ही जर एखादी पोस्ट / ब्लॉग वाचलात तर आपलं - प्रामाणिक - मत जरूर नोंदवा. पटलं - नाही पटलं हे लिहा. त्यामुळे लिहिणार्‍यास चालना आणि लोकांपर्यंत आपले म्हणने पटल्याचा आनंद होतो. पुढील लिखानास उत्तेजनाही मिळते. आता त्यात तुमचा फायदा असा की, तुमची प्रामाणिक प्रतिक्रिया - कमेंट ही त्या ब्लॉगवर येणार्‍या - कमेंट करणार्‍या दुसर्‍या वाचकाच्या नजरेस पडते. स्वतः कमेंट लिहिण्याआधी बरेच लोक, इतरांनी काय मतं मांडली आहेत हे वाचतात. त्यामुळे तो/ ती तुमच्या ब्लॉगवर येण्याची शक्यता असतेच. आहे ना फायदा!
आता ब्लॉगर म्हणुन येणार्‍या प्रतिक्रिया/ कमेंटस यांना उत्तर देण्याची जबाबदारीही तुमची आहेच. तेंव्हा, कुणी प्रतिकिया दिली तर त्याला उत्तर जरुर द्या! त्यामुळे ब्लॉगर आणि वाचक यांच्यामध्ये एक फ्रेंडली नातंही होऊन जातं आणि एक सोशल नेटवर्क तयार होऊन तुम्हाला "माऊथ पब्लिसिटी" चा ही फायदा होतो.

३.बॅक लिंक्सः आवडलेल्या ब्लॉगला जरुर फॉलो करा. परस्पर सहमतीने एक-मेकांच्या ब्लोगवरती लिंक एक्सचेंज करा. म्हणजे तुमच्या आवडत्या ब्लॉगची लिंग तुम्ही तुमच्या ब्लॉगवर द्या आणि बदल्यात तुमच्या ब्लॉगची लिंक त्या ब्लॉगवर टाकण्यास विनंती करा.

४.पोस्टचे नाव - टॅग्ज - लेबल्सः पोस्टचे नाव हे "कॅची" असावं म्हणजे क्युरॅसिटीनेही लोक तुमच्या ब्लॉगवर येतील. मात्र पोस्ट - लेख - नावाला धरुनच असावी. नाही तर पोस्टचे नाव "पुण्यात उडत्या तबकड्या" असं द्यायचं आणि लेख "स्वाईन फ्ल्यु" वर लिहायचा, असं करु नका. कदाचित सुरुवातीला काही लोक येतीलही, मात्र नंतर त्यांचा पोपट झाल्याचं पाहुन फिरकणारही नाहीत! तसेच पोस्टच्या खाली लेबल्स, टॅग्ज जरुर लिहा. त्यामुळे तुमचा ब्लॉग कॅटेगरायझ व्हायला मदत होते. शिवाय सर्च इंजिनमध्येही फायदेशीर ठरते!

५.सोशल नेटवर्किंग साइटस - फोरम्स - ट्विटर: जर तुम्ही ऑर्कुट/ फेसबुक वर असाल तर मित्रांना नविन पोस्टचे स्क्रॅप टाका.. मात्र त्यांचे पुर्ण पेज अशा स्क्रॅपनी भरुन नका टाकु. एखाद्या फोरम - किंवा डिस्कशन साइटवर रजिस्टर्ड असाल तर प्रोफाइल मध्ये आपल्या ब्लॉगचा उल्लेख करा.
ट्विटर ला रजिस्टर करा आणि आपले नेटवर्क - फॉलोअर्स - वाढवा - मायक्रोब्लॉगिंगचा हा प्लॅटफॉर्म तुमच्या ब्लॉगची पब्लिसिटी चांगलीच करु शकतो.

६.जाहिराती: जाहिरातींनी भरलेल्या ब्लॉगवर मी शक्यतो जात नाही. तिथं वाचण्यपेक्षा त्या जाहिरातीच त्रासदायक ठरतात. हां, तुम्ही गुगल एडसेन्स किंवा तत्सम जाहिराती वापरत असाल तर हरकत नाही. मात्र त्यांनी तुमचा ब्लॉग भरुन टाकु नका! जाहिराती - ब्लोगच्या डिझाइन प्रमाणे व्यवस्थित टाकलेल्या असाव्यात. पॉप अप वापरुच नका. अशा साइटस/ ब्लॉग्ज फार इरिटेट करतात. बरेच लोक पुन्हा अशा साइटवर येण्यास तयार नसतात.

७.ग्राफिक्स - फोटोज: फक्त टेक्स्ट असणारे पोस्ट वाचणे कंटाळवाणे असते. त्यामुळे तुमच्या पोस्ट मध्ये ग्राफिक्स - इमेजेस असणं महत्त्वाचं. आता फोटो किंवा ग्राफिक्स मिळवण्यासाठी ते कोणत्याही वेबसाइटवरुन घेणे योग्य नाही. घेतलेच तर - ग्राफिक्स *** या साइटवरुन घेतले असं नमुद करा. त्यामुळे तुमची बाभ़ळ बुडणार नाहे [गावची म्हण - नुकसान होणार नाही!] मात्र तुमचा प्रामाणिकपणा नक्कीच दिसुन येईल. शिवाय झिमँटा सारखी सुविधा आहेच या साठी!

८.ब्लॉग मीटर - एनालिटिक्स: तुमच्या ब्लॉगवर येणार्‍या विजिटर्सना ओळखा. म्हणजे ते कुठुन आले.... कसे - काय सर्च करुन आले? कोणत्या ब्लॉगवरुन आले? हे माहित करण्यासाठी गुगलचे एनालॅटिक्स ही सुविधा किंवा स्टॅट काऊंटर वापरा. यामुळे तुम्हाला तुमच्या विजिटर्सबद्द्ल बरीच माहिती मिळते. शिवाय गुगल वेबमास्टर टुल्स ही सुविधाही खास त्यासाठीच आहे. त्यावरही तुम्हाला बरीच माहिती मिळु शकते.

९.वाचकांचे म्हणने: वाचक काय वाचण्यात इंटरेस्टेड आहेत हे आपण लिहिलेल्या वेगवेगळ्या पोस्ट मधुन आपल्याला समजेलच. त्यामुळे मुद्द्याचं आणि गरज असेल तेवढंच लिहा. हजार ओळींची पोस्ट कंटाळवाणी ठरु शकते. त्यापेक्षा थोडक्यात लिहिलेली पोस्ट कधीही वाचणीय असते!

१०.रेग्युलर लिखाण: रेग्युलर लिखान तुमच्या ब्लॉगला जिवंत ठेवतं. रोजच लिहायला पाहिजे असं नाही.. किंवा रोजच फालतु - काहीही लिहुन फायदा होईल असं नाही. दोन दिवसांतुन एखादी पोस्ट - मात्र वाचण्यालायक लिहिली तर तुम्हाला चांगला वाचक वर्ग मिळु शकतो.

११. ई-मेल सिग्नेचर: तुम्ही जेंव्हाही एखादी मेल लिहिता, त्यामध्ये तुमच्या सिग्नेचर नंतर तुमच्या ब्लॉगची लिंक टाकल्यासही तुमच्या ब्लॉगची पब्लिसिटी होण्यास मदत होते. उदा. जीमेल - याहु - रेडिफ वगैरे. हो, मात्र ऑफिसच्या मेल मध्ये तसं करु नका म्हणजे झालं.

१२: ब्लॉग रीडर्स साईटः मराठीब्लॉग्ज.नेट, ब्लॉगअड्डा.कॉम, ब्लॉगवाणी.कॉम, ब्लॉगकॅटलॉग.कॉम, स्टंबलअपॉन्.कॉम या सारख्या साईटस् वरती आपला ब्लॉग जोडा. त्यासाठी त्यांचे विजेटही मिळतात. ते तुमच्या ब्लॉगवर टाका. या साइट ब्लॉगच्या डिरेक्टरीज किंवा एकत्रिकरण करतात. शिवाय सर्च इंजिनमध्ये त्यांचं रॅकिंग चांगलं असल्याने या साइट्स वरुनही तुम्हाला भरपुर हिट्स मिळु शकतात. उदा. माझ्या ब्लॉगवर सर्वात जास्त हिट्स"मराठीब्लॉग्ज. नेट" वरुन येतात.

१३. ब्लॉग डिझाइन: तुमच्या ब्लॉगचे डिझाइन हे थोडसं वेगळं असावं. कॉमन डिझाइन्स मनात भरत नाहीत त्यामुळे वाचक किंवा विजिटर लवकरच बोअर होतो. या बद्द्लची एक पोस्ट [ब्लॉगचे डिझाइन] मी आधी लिहिलिय ती वाचा.

आता सर्च इंजिन बद्द्लः
१.खाली दिलेला कोड तुमच्या ब्लॉगर / वर्डप्रेसच्या कोडमध्ये टाका.
तुमचा ब्लॉग जर फ्री वर्डप्रेस वर असेल तर हा कोड टाकता येणार नाही. मात्र तुमचे स्वत:चे होस्टींग घेऊन केलं असेल तर मात्र नक्कीच करता येइल!
... अपडेटः
ह्या दोन ओळी तुम्हाला तुमच्या ब्लॉगच्या कोड मध्ये टाकायच्या आहेत.
१. ब्लॉगरला लॉगिन करा.
२. लेआऊट टॅब वर क्लिक करा.
३. "Edit HTML" टॅबवर क्लिक करा.

<title>data:blog.pageTitle/></title>

दिसेल, त्याच्या लागलीच खाली ह्या दोन ओळी पेस्ट करा.

<meta name="Keywords" content="keywordOne, SecondKeyword, 3rdKeyword, add your won keywords here!"/>

<meta name="Description" content="This is my website. Add your own description here!"/>

४. कीवर्ड आणि डिस्क्रिप्शन टेक्स्ट बदला.
५. सेव बटन क्लिक करा.... झालं

ह्या कोड मुळे सर्च इंजिन मध्ये दिसणारी तुमची लिंक त्या की-वर्ड साठी कॅटेगरायज होईल आणि लिंकच्या खाली दिसणारी ओळ ही तुमचे डिस्क्रीप्शन असेल.

२.तुमचा ब्लॉग गुगल, याहु, एम्.एस.एन/बिंग या सर्च इंजिनना सबमिट करा!

हुम्म.. झालं! काही वर्षांपुर्वी मी हेच काम प्रोफेशन चा भाग म्हणुन करत होतो.... सध्या नाही! त्यामुळे कदाचित अजुनही काही मुद्दे असतील!!

Read More

सुट्टीचा दिवस आणि टीव्ही!

दैनंदिनी: ६ सप्टें. २००९

सकाळी लवकर उठणे - आणि तेही विषेशतः सुट्टी असताना... जिवावर येतं.! मात्र उठलोच..! काही वेळ मुलीसोबत खेळलो - आणि पुन्हा टी.व्ही. समोर! नॅट-जिओ वरचा "जेल्ड एब्रॉड्" कार्यक्रम पाहिला... असे काही कार्यक्रम मी नेहमीच आठवणीने बघतो... जसे - नॅट-जिओ वरचा "जेल्ड एब्रॉड्", डिस्कवरी वरचा "मॅन वर्सेस वाईल्ड", हिस्टरीवरचे इंडियाचे बेस्ट डॉक्युमेट्रीज.. बरीच माहिती मिळते यांतुन! असो... माझ्या आवडत्या टी.व्ही. प्रॉग्राम्सबद्द्ल आरामात एखादी पोस्ट लिहिन!

काल रात्री "वॉटेंड" बघायचा राहिला. आज दुपारी पाहिला.. थँक्स एच्.बी.ओ. = रीपिट टेलिकास्टसाठी.. "वॉटेड" बरा वाटला... मात्र ट्रेलर मध्ये पाहताना तो जास्त इंटरेस्टींग असेल असं वाटलं होतं...! असो.. बघितलाच! त्यानंतर थोडावेळ मस्त झोप!

संध्याकाळी काही ब्लॉग्ज वाचले - काही कमेंट्स टाकल्या.. काही ब्लॉगवरती "मिरजेतला प्रकार" वाचला.. धर्मांध लोक अजुनही आहेत - सुन्न होतं अशा वेळी!

उद्या ऑफिसला जायचं आहे - हे सत्य चार दिवसांच्या सुट्टीनंतर मान्य करणे जरा अवघडच आहे! मात्र, जाना तो पडेगा, बॉस!

ब्लॉगिंगवरती एक पोस्ट लिहिलीय, उद्या सकाळी पोस्ट करेन.

एकंदरीत ठिक दिवस! शुभ रात्री!

Read More

मास्तरांना चरणस्पर्श नमस्कार!

दैनंदिनी: ५ सप्टें. २००९

पुन्हा असाच उनाड दिवस!

शेअर्स असलेल्या दोन कंपन्या आणि एका बॅकेचा एन्युअल रेपोर्ट मिळाले... बघुनच कोपर्‍यात ठेऊन दिले... असंही त्यातलं आपल्याला काय ** कळणार आहे? लाखाचे बारा हजार होतात हे ऐकलं होतं.. आता प्रत्यक्ष बघतोय!

शिक्षक दिनाच्या - निमित्ताने - शाळा, कॉलेजच्या काहीं आठवणी झाल्या.

हायस्कुलमध्ये - असताना मी ही एकदा ईतिहासाचा शिक्षक झालो होतो... तेंव्हा आधीच्या शिक्षकाच्या तासाला मुलांनी घातलेला गोंधळ पाहुन मी हातात छडी घेऊन गेलो होतो... उगाचच धाक धाकवण्यासाठी. माझा तास मात्र व्यवस्थित झाला... त्यानंतर कॉलेजमध्ये केमिस्ट्रीचा तास घेतला होता.. आमच्या लेक्चररनी डिक्लेअर केलेल्या चाप्टर वर... मस्त झाला होता.... कारण मी जे सांगत होतो ते सर्वांसाठीच नविन होतं.. त्यामुळे समजले किंवा नाही चा प्रश्नच येत नव्हता. हां, मी आधीच आमच्या लेक्चररकडुन त्या चाप्टरच्या नोटस् घेतल्या होत्या. त्यामुळे फक्त [कदाचित] मलाच माहित होतं की मी बरोबर तेच सांगतोय.

मात्र आज ते शिक्षक, ते कॉलेज यांच्यात फारच अंतर पडले आहे. मला मान्य आहे की यासाठी मीच जबाबदार आहे. कदाचित मला - आजही शिक्षक - विद्यार्थ्याचं ते नातं - अंतराने का होईना, जपता आलं असतं! विसरलेल्या त्या मास्तरांना, सरांना, लेक्चररांना आज आठवणीने - चरणस्पर्श नमस्कार!

.... असो.. हे असंच चालायचं.. रात्री ९ वा. एच. बी. ओ. वर एंजेलिना चा "वाटेंड" बघायचा आहे. ;-)
शुभ रात्री!

Read More

आम्ही मराठी!

मायक्रोसॉप्ट युरोपचा चेअरमन निवडण्यासाठी बिल गेटस् मोठ्या प्रमाणावर एक मुलाखत भरवतो. ५००० कँडिडेटस् या मुलाखतीसाठी हजर राहतात. आमचा मकरंद त्यातलाच एक!

बिल गेटस्: आपण मायक्रोसॉप्ट मध्ये ईच्छुक असल्याचे पाहुन आनंद झाला. आपण आल्याबद्दल आभार. आता, ज्यांना "जावा" माहित नाही, अशांनी कॄपया बाहेर जावे. सुमारे २००० कॅडिडेटस् नाइलाज म्हणुन बाहेर पडतात.

मकरंद - स्वतःशी: मला "जावा" येतच नाही. पण थांबलो तर काय जातयं? एक ट्राय तर मारु! आणि तो थांबतो.

बिल गेटस्: ज्या कँडिडेटस् ना १०० पेक्षा अधिक लोकांना मॅनेज करण्याचा अनुभव नाही, अशांनी कॄपया बाहेर जावे. सुमारे २००० कॅडिडेटस् पुन्हा नाइलाज म्हणुन बाहेर पडतात.

मकरंद - स्वतःशी: मी कधीच कुणालाच मॅनेज केलं नाही. पण थांबलो तर काय जातयं? बघु काय होतंय ते!

बिल गेटस्: ज्या कँडिडेटस् कडे मॅनेजमेंटचा डिप्लोमा नाही, अशांनी कॄपया बाहेर जावे.
बॅड्लक म्हणुन ५०० कॅडिडेटस् बाहेर पडतात.

मकरंद - स्वतःशी: मी १५ व्या वर्षीच शाळा सोडली, पण आता गमावण्यासारखं आपल्याकडे आहेच काय? आणि तो थांबतो.

शेवटी, बिल गेटस्: ज्यांना "सेरब्रो - क्रोट" बोलता येत नाही, अशांनी कॄपया बाहेर जावे... आणि ४९८ कॅडिडेटस् बाहेर पडतात.

मकरंद - स्वतःशी: मला तर "सेरब्रो - क्रोट" चा एक शब्दही येत नाही! पण म्हणुन काय झाल? आणि तो थांबतो.
आता त्या रुममध्ये मकरंद आणि दुसरा एक असे दोघेच उरतात.

बिल गेटस्: हां, तर फक्त तुम्ही दोघेच आहात ज्यांना "सेरब्रो - क्रोट" बोलता येतं. म्हणुन, आपण दोघांनी आता त्या भाषेत वार्तालाप करावा.

मकरंद शांतपणे, त्या दुसर्‍या कँडिडेट कडे वळुन विचारतो: "कोठुन आलास रे?"
दुसरा: पुण्याहुन!

........... तर, मानलं का नाही - आम्हा मराठी माणसांना!

[मित्राच्या आलेल्या इंग्लिश जोक वर आधारीत हा मराठी जोक!]

Read More

मोबाईल / ई-मेल ब्लॉगिंग!

समजा तुम्ही एखादा मस्त फोटो काढलाय किंवा एखादी सिच्युएशन दाखवणारा फोटो काढलाय आणि तुम्हाला तो इतरांना दाखवायचा आहे. साहजिकच तुम्ही मित्रांना तो एम्.एम्.एस. / एस.एम्.एस. कराल. मात्र तेच जर तुम्हाला तुमच्या ब्लॉगवर टाकायचा असेल तर - साहजिकच तुम्ही तो ब्लु टुथ ने मशिनवर ट्रान्सफर कराल आणि मग ब्लॉग कराल. मात्र तुम्ही तुमच्या मोबाईलवरुनही [जी.पी.आर.एस - आवश्यक!] ब्लॉगिंग करु शकता हे आपणास माहित आहे का?

"ब्लॉगर मोबाईल" ही सुविधा पुरवते.

तर, मोबाईल ब्लॉगिंग कसे कराल?
१. ब्लॉगर ला लॉगिन करा.
२. "सेटींग्ज" टॅब मध्ये जाऊन "Email & Mobile" वर क्लिक करा.
३. त्या पेज वर "Mobile Devices" च्या समोर "Add mobile device' वर क्लिक करा आणि पॉप मध्ये आलेला कोड "go@blogger.com" वर मेल करा.

बाकीच्या पुढच्या स्टेप्स ब्लॉगर करेल. अधिक माहिती पहा!

जर तुमचा मोबाईल सोनी - एर्रिक्सनचा असेल तर, त्याच्या काही मॉडेल्स मध्ये ही सुविधा इन-बिल्ट आहे. फक्त तुम्हाला त्याचे सेटींग्ज करावे लागतात.

ई-मेल ब्लॉगिंग
मोबाईल पेक्षा ई-मेल ब्लॉगिंग सोपं आहे. म्हणजे तुम्हाला फक्त तो फोटो किंवा लिखान मेल करावं लागतं, बस्स एवढंच.
१. ब्लॉगर ला लॉगिन करा.
२. "सेटींग्ज" टॅब मध्ये जाऊन Email & Mobile" वर क्लिक करा.
३. "Email Posting Address" च्या समोरच्या बॉक्स मध्ये तुमचा मोबाईल ब्लॉगिंगसाठीचा शब्द टाका. म्हणजे तो एक पुर्ण ई-मेल एड्रेस तयार होईल.
उदा. bloggerID.NEWWORD@blogger.com
४. त्याच्या खाली असणार्‍या रेडिओ बटन्स पैकी:
Publish emails immediately - लागलीच प्रकाशित करण्यासाठी
Save emails as draft posts - पुन्हा प्रकाशित करण्यासाठी
Disabled - सेवा बंद करण्यासाठी
- जे योग्य असेल त्यावर क्लिक करा
५. आता तुम्ही या ई-मेल वरती पाठवेलेला मेल हा तुमची नविन ब्लॉग पोस्ट असेल!

.... अधिक माहिती - ब्लॉगरवर आहेच!

वर्डप्रेस मधुन ई-मेल ब्लॉगिंग करण्यासाठी:
१. वर्डप्रेसला लॉगिन करा.
२. "Dashboard" वर क्लिक करुन "My Blogs" लिंक वर क्लिक करा.
३. तुमचे सारे रजिस्टर्ड ब्लॉग दिसतील. ज्याच्यासाठी ई-मेल ब्लॉगिंग सुरु करायचे आहे त्याच्यासमोर असणार्‍या "Post by Email" कॉलमधील "Enable" या बटनवर क्लिक करा.
४. तुमच्यासाठी एक खास - युनिक ई-मेल एड्रेस तयार होईल.
५. आता त्या ई-मेलवर पाठवलेले मेल्स - म्हणजे तुमची नविन पोस्ट

काही मुद्दे:
ब्लॉगर च्या मोबाईल - ईमेल ब्लॉगिंग मध्ये तुम्हाल लेबल किंवा कॅटेगरी लिहिने, पोस्ट डीले - स्केड्युल करणे अशा गोष्टी करता येत नाहीत. मात्र वर्डप्रेस मध्ये तशी सोय आहे. वर्डप्रेसच्या ई-मेल ब्लॉगिंग बाबत अधिक माहिती.

ब्लॉगिंगचा ई-मेल एड्रेस सिक्रेट ठेवा. तो कुणाला देऊ नका. नाही तर तुमच्या ब्लॉगवर कोणीही पोस्ट करु शकते!

चला तर... आता तुम्ही कधी ही ब्लॉगिंग करु शकता!

Read More

डु नॉट डिस्टर्ब [डी.एन.डी.] तुम्हाला डिस्टर्ब करण्यासाठीच आहे का?

दैनंदिनी: ४ सप्टें. २००९.

पुन्हा एक सुस्त दिवस! मात्र सुरुवातच टेलिमार्केटिंग च्या कॉलने झाली! त्यानंतरचा 'क्राय' चा डोनेशन्साठीचा फोन. त्यानंतरचे काही सेल्सचे एस.एम.एस.! ही ऑफर - ती ऑफर. मी माझा मोबाईल - डी.एन.डी. साठी २००७ मध्ये रजिस्टर केलाय.. तरीही हा पिछा काही अजुनतरी सुटला नाही. कॉलपेक्षा आजकाल - मेसेजेसच फार येतात!

अरे हां, तुम्हाला जर तुमचा मोबाईल डी.एन.डी. साठी रजिस्टर्ड झाला आहे किंवा नाही हे चेक करायचे असेल तर ही लिंक पहा!

दुपारी छोकरीबरोबर पेंटींग केली... तारे जमिन पर - स्टाइल. एक मात्र खरं - ही चित्रकला कोणाच्याही हातचं काम नाही.. मला वाटतं माझ्यापेक्षा माझी मुलगीच चांगलं पेंटींग करते. मात्र मला खुष करण्यासाठी - "बाबा, तुझं पेंटींग छान झालयं हां, मला आवडलं", असं म्हणायला विसरत नाही!

@शिनुचं नविन टेंप्लेट अपडेट झालेलं दिसतयं - मीही खुष!
..... बाकी उद्या बोलु - शुभ रात्री!

Read More

"बिइंग सोशल" किंवा "बिइंग ह्युमन" म्हणुन..?

"बिइंग सोशल" किंवा "बिइंग ह्युमन" म्हणुन, मला वाटतं, प्रत्येकानं काही ना काही डोनेट करावं... आता यांत काही कंपलशन नाही... काहींना नसेल असं वाटत!

Image by Getty Images via Daylife

सध्यातरी मी कोणत्याही मोठ्या संस्थेला डोनेशन देण्याच्या मुडमध्ये नाही. कारण - मला वाटतं आपण दिलेल्या डोनेशनच्या पैशाचा योग्य उपयोग - सदुपयोग - होतोय यबद्दल मी [एकटाच?] बराच साशंक असतो. त्यामुळे गेल्या वर्षी गावच्या शाळेत ४०० वह्या वडिलांमार्फत दिल्या. यावर्षी चं डोनेशनचं पैसे [रु.५०००] जुन्या एका मित्राच्या किडनी ट्रान्सप्लांटसाठी दिले. आता तुम्ही म्हणाल - या स्लोडाऊन - रिसेशन मध्ये जिथं आमचंच कसंतरी भागतंय तिथं डोनशनचा प्रश्न येतोच कुठे... असो! पण माझ्यासाठे पैसे साठवण्याचा एक [नवा!] पर्याय यावर्षी खुला झालाय. तो म्हणजे - स्मोकिंक सोडलंय!! म्हणजे आता किमान दर दिवशी मी अंदाजे रु. २० तरी वाचवु शकतो. [ ४ गोल्ड फ्लॅक * ५ = २० * ३० [दिवस] * १२ [महिने] = रु. ४८०० दर वर्षी ] . शिवाय मी वाढदिवस अगदिच ओवाळणी करुन करतो, म्हणजे अंदाजे रु. ५०० तरी शिल्लक पडलेच ना! झालं ना - एका वर्षाचं डोनेशन!

आता प्रत्येकाचं डोनेशन करण्यची पध्दत वेगळी असु शकते. माझे काही मित्र श्रमदान करतात.. काही अंध मुलांच्या शाळेत जाऊन अन्न दान करतात... काही रक्तदान करतात तर काही माझ्यासारखं किंवा माझ्याच डोनेशन मध्ये शेअर करतात....असंच आणखीन काही..! तुम्हीही कोणत्या न् कोणत्या पध्दतीने डोनेशन करतच असाल ना?

Read More

मी प्रमाणापेक्षा जास्त आळशी झालोय?

दैनंदिनी - ३ स्प्टें. २००९
सुट्टीचा दिवस... मस्त आरामात उठणे.. सोप्यावर पडुन टीव्ही पाहणे.. यातच सकाळ संपली...!
दुपारी गेलेली लाईट रात्री ९.१५ आली... आणि म्हणे पुण्यात लोड शेडिंग कमी होणारयं... हो.. खरं का? कधी पासुन?
संध्याकाळी पाऊस - रिमझिम - होताच... त्यामुळे पुण्यात जाऊन - म्हणजे - पेठेत जाऊन - "गणपती पाहणे" झालेच नाही... असो... सोसायटीचा गणपती विसर्जनाचा कार्यक्रम - खिडकीतुनच पाहिला.... कदाचित मी प्रमाणापेक्षा [*] जास्त आळशी झालोय, हेच खरं!

@शिनु साठी कमेंटस् मध्येच हेल्प पॉईंटस् लिहिलेत... होप, ही विल सक्सिड् !

विचार होता - ऑनलाइन न जाण्याचा... पण जाम बोअर होतं... विदाऊट ब्लॉगिंग, मेलिंग... :(
माझं अगदीच "अट्टल दारुड्या" सारखं झालयं… कितीही नाही म्हटलं तरी तो गुत्त्यावर आणि मी नेटवर जायला चुकत नाही !

* आळसाचं प्रमाण कसं ठरवायचं? चला, शुभरात्री .. उद्या भेटु!

Read More

विश्रांती नम:

दैनंदिनी - २ सप्टें. २००९
... मंथली रिव्ह्युवज मिटींग... रिपोर्ट... डिस्कशन.. बस्स.. दिवसाची सुरुवात! दोन - ती असायन्ड टास्कस् ... डन!
सोमवार पर्यंत मस्त सुट्टीवर आहे... ट्विटर किंवा चॅटवर ऑनलाइन नसणार... थोडक्यात म्हणजे - विश्रांती नम: ||
रात्री वेळ - मिळाला तर एखादी टेक पोस्ट टाकावी म्हणतोय... बघु..! चला.. तसं सोमवारी भेटुच ... काळजी घ्या!

Read More

झिमँटा - ब्लॉगिंगच्या भन्नाट अनुभवासाठी!

पोस्ट किंवा एखादे आर्टिकल लिहिताना ब्लॉगर्सना गरज पडते ती संबधित फोटो किंवा इमेजची. शिवाय फोटोसहित लिहिलेली पोस्ट दिसायला आणि वाचायलाही छान असते! असा फोटो नेटवर शोधणे तसं फार अवघड नाही, मात्र बर्‍याचदा कॉपी-राइट च्या प्रकरणात गुंतण्याची शक्यता असते. तसं भारतामध्ये ही प्रकरणं तशी "किरकोळ" जरी समजण्यात येत असली तरी हा फार मोठा इश्शु आहे - होऊ शकतो. तर यावर "झिमॅटा" नावाची वेबसाइट - फायरफॉक्स प्लगिन आपल्या फार उपयोगी पडतं. कसं ते या डेमो मध्ये पहा!

तुम्ही जर फायरफॉक्सचे युजर [मी तर फॅन आहे!] असाल तर फायरफॉक्सचे हे प्लगिन इंस्टाल करा. तुमचा ग्राफिक्सचा प्रश्न सुटलाच म्हणुन समजा!

कसे वापरावे:
एकदा झिमँटा इंस्टाल झाले की तुम्ही ब्लॉगर किंवा वर्डप्रेस ला लॉगिन करा. पोस्ट लिहिण्याच्या उजव्या बाजुला ते दिसेल. तुम्ही काही पोस्ट संबंधित ओळी लिहिल्या की ते तुम्हाला संबंधित ग्राफिक्स आणि लिंक्सही दाखवेल. संबधित इमेजवर क्लिक केलं की ती इमेज तुमच्या पोस्ट मध्ये जाईल.. सोप्प ना! झिमँटा हे, विकि - फ्लिकर्, नेट वरच्या कॉपी राइट्स फ्री - इमेजेस दाखवतं म्हणजे आपण त्या वापरायला मोकळे. आता तुम्ही मराठी किंवा हिंदीत लिहित असाल तर संबधित ग्राफिक्ससाठी काही शब्द/ ओळी इंग्रजीत लिहा म्हणजे तुम्हाला योग्य ग्राफिक्स सापडेल. नंतर पब्लिश करण्याआधी ते शब्द / ओळी डीलीट करायला विसरु नका!

आता, ग्राफिक्स डाव्या [डिफॉल्ड सेटींग] बाजुला जातात.. ते तुम्ही उजव्या बाजुलाही सेट करु शकता. पोस्टच्या खाली - रीब्लॉगचे बटन येते. ते तुमच्या विजिटर्सनी पुन्हा ती पोस्ट पब्लिश करण्यासाठी मदत करतं. तुम्हाला ते नको असेल तर HTML टॅब मध्ये जाउन तो कोड डिलिट करा.

शिवाय तुमच्या पोस्टशी निगडीत काही इतर पोस्टच्या लिंकही त्या ग्राफिक्सच्या खाली दिसतात. त्यावर क्लिक केलं की ती लिंक तुमच्या पोस्ट मध्ये टाकली जाते. तसेच पोस्टमध्ये वापरलेले शब्द आपण लेबल्स म्हणुनही क्लिक करुन टाकू शकता. हे प्लगिन जवळ - जवळ सर्व ब्राउजर्स [फायरफॉक्स, आय.ई वगैरे] आणि ब्लॉगिंग प्लॅटफॉर्मसाठी [ब्लॉगर, वर्डप्रेस वगैरे] आहे. आणि हो! हेच प्लगिन मेल [जीमेल किंवा याहु] साठीही चालतं! सही ना?

हुम्म..! तर, आशा आहे आपणांस हे वाचुन ब्लॉगिंगसाठी मदत होईल. चला तर मग - लागा तयारीला! शिवाय तुम्हाला एखादी माहिती हवी असेल तर सांगा - हॅपी टु हेल्प!

Read More

ब्लॉग एडिक्ट?

दैनंदिनी - १ सप्टें. २००९

बर्‍यापैकी दिवस होता.. आज काल कामातुन मिळालेला थोडासा वेळही ब्लॉगिंग करण्यात किंवा वाचण्यात जातोय.. मला माहितय, मी नेट एडिक्ट आहे... काय फरक पडतो - ब्लॉग एडिक्ट झालं तर?
काही वेळ घालवुन काही ब्लॉग वेजिटस् तयार केली.... काही महेंद्रजींच्या ब्लॉगसाठी तर काही माझ्या ब्लॉगवर चिकटवायला... ! तुम्ही जर एक्टीव ब्लॉगर असाल तर मला लिन्क पाठवा, मी तुमच्या ब्लॉगसाठी विजेट बनवायचा प्रयत्न [*] करेन!

* अटी लागू: मला वेळ मिळणं... तुम्ही एक्टीव ब्लॉगर असणं आणि मला बॅक लिंक देणं आवश्यक!

Read More

ब्लॉगर ची नवीन डिझाइन्स - टेम्प्लेटस्!

बर्‍याच ब्लॉगर्सना आपले डिफॉल्ट टेम्प्लेट बदलायचे असते. मात्र कसं बदलायचं, किंवा नविन चांगले टेम्प्लेटस् कुठं मिळेल याची माहिती हवी असते. असो! ब्लॉगर.कॉम च्या ब्लॉगर्स साठी खाली दिलेल्या काही लिंक्स आहेत. बरेच चांगले टेम्प्लेटस् आहेत. बघा एखादं आवडतयं का?

बीटेम्प्लेटस्
ब्लॉगर टेम्प्लेटस् फ्री
ब्लॉगर बस्टर

अच्छा... आवडलं एखादं.. डाऊनलोड - अनझिप - करा.

आता हे नविन टेम्प्लेट वापरणार कसं? त्यासाठी ही खाली दिलेली लिंक बघा.. अगदी स्टेप - बाय - स्टेप माहिती आहे : ब्लॉगर ट्रीक्स

माझ्या ब्लॉगला लिंक अशी द्या..! काही मदत हवी असल्यास कमेंट टाका!

Read More